Vrasja e 42-vjecarit nga pronari, pasi i ngacmoi gruan, ka qene nje person i njohur per policine, pasi ai ka qene me pare i denuar per prostitucion. Nuk ka munguar edhe dëshmia e autorit të ngjarjes së dhënë mesditën e sotme ne polici.
DËSHMIA
42 vjeçari u qëllua me çifte nga pronari i lokalit Petrit Toromeni 42-vjeç. Ky i fundit u vendos në pranga vetëm një orë pas krimit, ku dhe ka rrëfyer gjithçka ndodhi në lokalin e tij.
Ai i tha policisë që Llupo i cili njihej edhe me emrin Judmir Shtambolliu, po pinte alkool. Në një moment ai i ngacmoi bashkëshorten.
Toromeni e ka humbur durimin, kur u përball me arrogancën e klientit të dehur. Në atë çast ka shkuar të marrë çiften në katin e dytë të lokalit dhe e ka vrarë atë. Aty kishte edhe persona të tjerë të cilët u morën në pyetje.
