Monika Kryemadhi ka rrefuzuar sugjerimet e delegacionit të Parlamentit Europian në Tiranë të cilët apeluan për dialog dhe dënim të dhunës gjatë protestave të organizuara nga opozita.
Kryetarja e LSI-së nënvizon se nuk do të ketë kthim pas dhe se aksioni politik do të vijojë.
Sipas saj, opozita është në drejtimin e duhur dhe se shumë shpejt do të vijnë ditë të bukura për shqiptarët.
“Unë di të them se nuk ka asnjë hap pas. Opozita nuk do të këtë asnjë hap pas. Protestat e 16 shkurtit, 21 shkurtit dhe e djeshmja treguan se opozita është në rrugën e duhur.. Gjëra të bukura do të vijnë për shqiptarët”, tha Kryemadhi
