Kreu i grupit parlamentar të PS, Taulant Balla i ka bërë thirrje kreut të PD, Lulzim Basha që të mos merret me protesta dhe të organizojë partinë në prag të zgjedhjeve lokale, pasi sipas tij do humbasë edhe në Kamëz që njihet si bastion i së djathtës.
Shqiptarët do ta votëbesojnë dhe për mandatin e tretë në vitin 2021 Edi Ramën. Në Shqipëri shqiptarët votojnë edhe për partinë edhe për kryeministrin. Nuk mund t’i thuash kundërshtarit hajde të përballemi, por komandantin do ta caktoj unë. Nuk pranohet kërkesa e Lulzimit, Saliut dhe Monikës që ne të heqim dorë nga besimi që na kanë dhënë shqiptarët se quhet tradhti. Do të provohet në qershor 2021 PD. I bëj thirrje përmes TV, Lulzim mos u lodh më në protesta dhe organizo partinë se kështu si je nuk fton as në Kukës as në Tropojë, madje as në Kamëz”- tha Balla.
I pyetur nëse mazhoranca do marrë deputetë nga listat e PD dhe LSI për shkarkim presidenti apo për çështje të tjera që kërkojnë shumicë të cilësuar, Balla tha se: “PS i ka numrat për të qeverisur. Kjo është çështje e procesit të vetasgjësimit të partive në fjalë. Kushdo që ka qenë në atë listë ka marrë përgjegjësi. Sistemi zgjedhor ndryshon përmes një konsensusi të madh. Ky është sistemi që kemi sot dhe është një pjesë të madhe të vendeve të botës. PS ka marrë besimin e qytetarëve për të qeverisur”.
