Ministrja e Mbrojtjes, Olta Xhaçka po zhvillon një vizitë zyrtare në Maqedoninë e Veriut ku është takuar me krerët më të lartë të shtetit fqinj. Xhaçka u takua me kryeministrin Zaev, kreun e Kuvendit Talat Xhaferri dhe homologen Shekerinska. Ministrja tha se me anëtarësimin e Maqedonisë së Veriut në NATO, rajoni do të jetë më i sigurtë.
“Ju tanimë jeni vetëm një hap larg anëtarësimit në NATO. Anëtarësimi i Maqedonisë së Veriut në NATO, lajm i bukur dhe i rëndësishëm. Me Maqedoninë e Veriut në NATO, rajoni do të jetë më i sigurtë. Për Shqipërinë, stabiliteti i Maqedonisë së Veriut, kushtet kryesor për sigurinë e rajonit. Mbështetja e Shqipërisë për anëtarësimin e Maqedonisë sê Veriut në NATO, e palëkundur. Shqipëria, ndër vendet e para që ratifikoi Protokollin e Anëtarësimit”, tha ministrja.
Gjatë takimeve, ministrja Xhaçka foli edhe për “Marrëvëshjen e Ohrit” dhe rolin e shqiptarëve në shtetin fqinj.
“Përdorimi i gjuhës shqipe si një nga pikat më të rëndësishme të “Marrëveshjes së Ohrit, drejtimi i duhur. Shqiptarët, rol konstruktiv dhe promotorët e arritjeve të jashtëzakonshme të muajve të fundit. Tashmë janë krijuar rrethanat për implementimin e plotë të Marrëveshjes së Ohrit. Marrëveshja e Ohrit do të jetë në vëmendjen tonë të përhershme. Kërcënimet më të mëdha nuk janë ato të jashtme, por ato që vijnë nga brenda. Forca që, për interesa të ngushta, janë gati të rrezikojnë edhe stabilitetin, edhe zhvillimin, edhe të ardhmen tonë.Falë vullnetit të shqiptarëve dhe mbështetjes së ndërkombëtarëve këto forca do të dështojnë”, tha Xhaçka.
Vizita e zonjës Xhaçka në Maqedoninë e Veriut, e para e një ministri Mbrojtjeje që pas firmosjes së Protokollit të anëtarësimit të vendit me NATO-n.
