Mediat serbe kanë akuzuar autoritetet kosovare se kanë tentuar të bëjnë presion serbëve të Kosovës, me historinë e zgjedhjes së një kryetar i vdekur është zgjedhur kryetar i komunës së Ranillugut.
B92, thekson se kryetar i komunës nuk është zgjedhur Gradimir Mikiç por Vladica Aritonoviç.
Mediat serbe kanë bombarduar opinionin publik në Beograd me komentin që fituesi real në zgjedhjet e Kosovës ka qenë vetëm Lista Serbe.
Dhe në fakt, analiza e disa prej mediave të rëndësishme si Politika, B92, Tanjug, Danas, ka një logjikë të matshme, pasi orca politike që përfaqëson serbët e Kosovës, ka fituar të drejtën që të përfaqësojë minoritetin më të madh në të gjithë territorin ku jetojnë serbët.
Ndërkohë, që partitë shqiptare kanë konfirmuar një trend që po përsëritet nga zgjedhja në zgjedhje ku forca më e madhe politike merr jo më shumë se 30% e zgjedhjeve, Lista Serbe ka dominuar vullnetin politik në të gjithë Kosovën.
Siç bën të ditur B92, fitorja më e rëndësishme ka qenë ajo e Goran Rakiçit, në Mitrovicën e veriut, ku përfaqësuesi i zgjatimit të partisë së Aleksandër Vuçiçit ka marrë 80% të votave. Vetëm në Kollkot, që ndodhet në Kosovën qendrore do të ketë balotazh ndërkohë që në të gjitha komunat e tjera dominon Lista Serbe.
Telefonata e Aleksandër Vuçiçit në mesnatën e së djelës komentohet si një sinjal shumë i fuqishëm politik për zbatimin e projektit të presidentit serb.
Kjo pasi ai do ta ketë më të lehtë të vërë në shfrytëzim planin që Vuçiç ka bërë gati për të mbyllur njëherë e mirë çështjen e Kosovës, në mars të vitit 2018.
Gazeta Danas shkruan se fitorja e Lidhjes Demokratike e Kosovës në numrin e përgjithshëm të votave konsiderohet si një vullnet pozitiv i qyetetarëve të Kosovës pro dialogut.
Sipas Danas, “mos depërtimi i vetëvendosjes së Albin Kurtit në vende strategjike si Mitrovica është një zhvillim mjaft shpresëdhënës për vazhdimin e dialogut”.