Reshjet e borës kanë zbardhur zonat malore të vendit dhe temperaturat ishin ulur ndjeshëm deri sot ku u vu re një zbutje e tyre.
Sipas meteoalb, nga nesër, e martë, kthjellime të shpeshta e vranësira kalimtare do dominojnë zonat Qendrore, por vranësira të dendura dhe shira të dobët priten në ekstremet Veri-Jug.
Gjatë mesditës të së martës, vranësirat shtohen në gjithë territorin duke sjellë shira në dy ekstremet Veri-Jug, por sërish pasditja sjell kthjellim të motit në vend, përjashtuar Veriperëndimin ku ende do të ketë shira të dobët.
Temperaturat e ajrit rriten NDJESHEM në të dy ekstremumet termike duke bërë që vlerat e tyre të luhaten nga 5 në 19°C.
