Partia Demokratike doli ditën e djeshme me një vendim për të djegur mandatet parlamentare. Ditën e djeshme, kreu i PD-së, Lulzim Basha tha gjatë konferencës për shtyp nga selia blua se do t’ia bëjë këtë propozim grupit parlamentar dhe forumeve më të larta të kësaj force.
Pas kësaj deklarate, maxhoranca nuk bëri asnjë reagim, veç atij të ministres së Shtetit për Marrëdhëniet me parlamentin Elisa Spiropali, por ku gjithsesi nuk flitej për ndonjë veprim të maxhorancës. Mësohet se Rama u ka kërkuar deputetëve socialistë të organizohen për zgjedhjet vendore, pavarësisht vendimit të opozitës. “Organizim për zgjedhjet vendore pavarësisht se çfarë bën opozita”, ka thënë ai.
