”National Geographic”, këshillon miliona lexuesit: Shqipëria, një ndër 21 destinacionet më të mira turistike për 2018

Revista e njohur ”National Geographic” (NG), në seksionin e saj të udhëtimeve ka renditur vendet më tërheqëse për t’u vizituar nga turistët gjatë vitit 2018.

Përzgjedhjen kjo revistë e ka bërë për tri kategori kryesore:

• qytetet që duhet të vizitohen
• kultura që duhet parë
• natyra që duhet shijuar

”Pyetja kryesore e 9,6 milionë lexuesve tanë ka qenë ‘Ku duhet t’i kaloj pushimet’?. Përgjigjja jonë janë 21 destinacionet në mbarë botën”, thotë George Stone, kryeredaktori i ”National Geographic” . Mes 21 destinacioneve më të famshme turistike për 2018,  National Geographic ka renditur dhe  Shqipërinë .

“Qytete të vjetra të përmbytur, anijet e mbytura dhe shpellat e rralla janë disa nga thesaret relativisht të paprekura që presin zhytësit në Shqipëri. Këto dhe shumë të tjera i gjeni në bregdetin jugor të Shqipërisë”,thotë National Geographic Traveler.

Sipas NG destinacionet më të mirë në botë për vitin 2018 janë si më poshtë:

QYTETE

Dublin, Irlandë
Malmo, Suedi
Pnom Pen, Kamboxhia
San Antonio, Teksas
Santiago, Kili
Sidnej, Australi
Tbilisi, Gjeorgji

KULTURA

Klivlend, Ohajo
Frisland, Holandë
Harar, Etiopi
Labrador, Kanada
Oaksaka, Meksikë
Tutuan, Marok
Vjenë, Austria

NATYRA

Shqipëria
Jordan Trail, Jordani
Provinca Zhuzhu, Argjentinë
Madagaskar
Oahu, Havai
Ruaha, Tanzani
Parku Kombëtar Seoraksan, Kore e Jugut. Përgatiti AlpeNews.al