Shorti i Ligës së Kampionëve ka qenë shumë i veçantë, por për dikë edhe i padëshirueshëm.
I tillë ka mundur të jetë për Lionel Messin, i cili do të ketë përballë kundërshtarin më të padëshiruar – Chelsean.
Barca luan ndaj Chelseat në ndeshjen e parë të fazës së eliminimit direkt dhe Messi do të hyjë në këtë duel duke mos shënuar kurrë gol ndaj klubit londinez.
Në tetë përballjet e kaluara, Messi ka dështuar të shënojë ndaj Chelseat.
Ky është rekordi më i keq i Messit ndaj një klubi në karrierën e tij, dhe mbetet të shihet nëse ai do ta thyejë tabunë në dy ndeshjet e ardhshme ndaj gjigantit anglez.
Ai ka realizuar 29 goditje ndaj Bluve në karrierën e tij, por madje ka humbur edhe penallti ndaj Petr Cech.
Lionel Messi do të tentojë të dëshmojë se është më i miri dhe pa dyshim të thyejë tabunë e tij të vetme në karrierë – Chelsean.
