Kryetarja e Lëvizjes socialiste për integrim, njihet për deklaratat e saj me tone të ashpra dhe gjuhët të fortë si politikane.
Megjithatë, duket se muajt e fundit kjo gjuhë ka ardhur duke u rritur në thënie, akuza e deklarata që herë herë mund të konsiderohen edhe si “të frikshme”.
Arsyet dhe motivet ndonëse nuk janë të ditura, nuk është dhe shnumë e vështirë të kuptohen.
Vetëm disa ditë më parë, kur “plasi” skandali I tenderave prej 2 milion eurosh, u vunën nën verifikim edhe dy ish ministrat e asaj kohe, Ylli Manjani dhe Petrit Vasili.
Kjo duket të ketë tronditur disi themelet e LSI që më shumë se kryetaren aktuale, I “bien” ish kryetarit sot President I Shqipërisë Ilir Meta.
E në fakt veç kesaj i gjithë shqetësimi që duket se i vjen LSI dhe kryetares lidhet fort edhe me skandalet e herepashershme dhe arrestimet e bujshme ku gjithnjë duket të jetë një anëtar apo drejtor i LSI i implikuar.
Mëposhtë, disa prej deklaratave të Monika Kryemadhit që duken jashtë normales për një kryetare të nëj prej forcave politike më të mëdha në vend dhe deputete të Kuvendit të Shqipërisë:
Përlotja
“Unë jam kërcënuar. E kam dërguar vajzën në një shkollë me konvikt sepse nuk mund ta mbaja dot për shkak të intimidimit.
“Marr 5 gra dhe e lidhimi”
“Të jetë për të heq me dhunë Ramën e largoj për 10 minuta. Marr 5 gra dhe e lidhim. E njoh shumë mirë unë atë. E lidhim me litar, me ato shajet e grave dhe e heqim. Po ne nuk duam ta heqim me dhunë se ai sta njeh”, u shpreh ndër të tjera Monika Kryemadhi.
“Do bëhem kamikaze”
“Unë do bëhem kamikaze. Unë jam e gatshme që nëse ikja ime do ti hapi rrugën Shqipërisë, unë do bëhem kamikaze. Do bëhem e do marr me vete Ramën”, u shpreh Kryemadhi.
“Të gjithë duhet të japim jetën”
“Sot vendi ka një nga momentet e tij më të vështira, prandaj ne duhet të harrojmë idealin politik, sot e vetmja ideologji që duhet të qarkullojë, jo vetëm në LSI, por në gjithë klasën politike është vetëm një Shqipëria është shtëpia jone, atdheu, familja që duhet të kujdesemi si kujdesemi për shtëpinë tonë.
Duhet të sakrifikojmë cdo gjë, edhe jetën, se çdo prind e jep jetën për të ardhmen e sigurtë të fëmijëve të tij.”
“Rama është i sëmurë”
“Kryeministri ynë është në efektin për gjithë jetën ndaj këtyre izotopeve, thirrje mjekëve që janë të PS dhe deputetëve mjekë në grupin e PS, të marrin fatet në dorë, se jo vetëm fatet e vendit por edhe të fëmijëve të tyre janë në dorë të një të sëmuri psikik. Peng krimit të organizuar është edhe peng i substancave sintetike.”
“Detyruam Ramën të ndryshonte 90% të qeverisë”
“Opozita, duke denoncuar çdo ditë korrupsionin, detyroi Ramën të ndryshonte 90% të qeverisë.”
Përgatiti: AlpeNews.al
