Negociatori i Brexit i Britanisë së Madhe David Davis ka përshkruar marrëveshjen e goditur nga Theresa May për të kaluar në fazën e ardhshme të bisedimeve si një “deklaratë të qëllimit”.
Ai tha se nuk ishte “ligjërisht i zbatueshëm” dhe nëse Britania e Madhe nuk arriti të merrte një marrëveshje tregtare me BE atëherë nuk do të paguante faturën e divorcit.
Sekretari i Brexit gjithashtu theksoi se shanset e daljes së Britanisë së Madhe pa një marrëveshje kishin “rënë në mënyrë dramatike” pas deklaratës së përbashkët të BE-së në Bruksel të premten.
Marrëveshja e Kanadasë me BE, e nënshkruar vitin e kaluar, heq shumicën dërrmuese të detyrimeve doganore mbi eksportet e BE-së në Kanada dhe eksportet kanadeze në BE.
Por zoti Davis tha se nuk përfshinte tregtinë në shërbime, diçka që ai dëshironte të shihte në marrëveshjen e Britanisë së Madhe me BE.
Kryeministrja Theresa Maj nënshkroi një marrëveshje të premten duke përjashtuar kthimin e një “kufiri të vështirë” në ishullin e Irlandës, duke mbrojtur të drejtat e shtetasve të BE dhe Britanisë së Madhe dhe duke rënë dakord për një formulë për faturën e divorcit.
Krerët e BE tani pritet të rekomandojnë fillimin e fazës tjetër të bisedimeve të Brexit në një samit të enjten.
Por zoti Davis theksoi se marrëveshja e së premtes ishte e kushtëzuar me arritjen e një marrëveshjeje “gjithëpërfshirëse” me BE, marrëveshjet mbi sigurinë dhe çështjet e jashtme, si dhe periudhën dyvjeçare të tranzicionit që Mbretëria e Bashkuar dëshiron, nëse zyrtarisht e lë BE në mars 2019.
I pyetur nëse marrëveshja e Theresa May do të thotë që Britania do të qëndronte shumë pranë tregut të vetëm dhe bashkimit doganor, ai tha: “Po, dhe mendoj se është gjëja e duhur dhe mendoj se duhet ta mbajmë atë për shkak se kjo shkon në pyetjen se çfarë lloj Britanie dëshirojmë të jemi? Përgatiti: AlpeNews.al/
