Kryetarja e LSI-së, Monika Kryemadhi në një takim me strukturat e partisë në Bashkinë e Vorës, deklsroi se për hapjen e negociatave duhet dialog politik dhe realizimi i reformave. Duke përmendur edhe mesazhin e komisionerit Hahn, Kryemadhi theksoi se opozita i ka luajtur të gjitha gurët e saj, ndërkohë që mungon dialogu politik.
“Anëtarësimi i Shqipërisë dhe hapja e negociatave të Shqipërisë me Bashkimin Evropian ka një rëndësi të veçantë, por që të arrijmë në këto rezultate, pra për të hapur negociatat, është shumë e rëndësishme që të realizohet dialogu politik. Mos hapja e negociatave është vdekjeprurëse për shqiptarët. Sepse do të thotë që Shqipëria do të izolohet çdo ditë dhe më shumë.
Faktikisht ne sot shikojmë që ngërçin tonë kryesor, të cilin ne e pamë dhe para disa ditësh në deklaratën e komisionerit Hahn, që nuk e ka më në dorë opozita, sepse opozita i ka bërë të gjitha mundësitë dhe iu ka luajtur të gjithë gurët e saj në lojën politike që sot parashtrohet. Kemi një parlament, në të cilin i hiqet e drejta e fjalës opozitës për të folur, që vetëm në diktaturë bën vaki, nuk bën në demokraci,”- u shpreh ndër të tjera Kryetarja e LSI-së, Monika Kryemadhi.
