Në 8-vjetorin e 21 janarit, ku 4 protestues humbën jetën familjarët bëjnë apel për drejtësi. Renato Myrtaj, djali i Faik Myrtajt tha se kjo çështje e ka një autor.
Renato Myrtaj: Nuk mund ta quaj një çështje pa autor, sepse ka një autor për atë çështje, pavarësisht se vendimet u morën ato që u morën.
Ai tha se apeli i vetëm është të vendoset drejtësia, por theksoi se kjo është shumë e vështirë të ndodhë, duke drejtuar gishtin nga ish-kryeministri Sali Berisha.
Renato Myrtaj: Sa i përket apelit kundrejt qeverisë, e kanë dëgjuar të gjithë që apeli jonë është drejtësi. Por drejtësia që të vendoset në këtë vend nuk është aq e lehtë. Berisha para largimit ka ditur ti kopsitë aq mirë gjërat.
Edhe pse thotë se ka besim të drejtësia e re, shprehet se fjalën e fundit do ta thotë Gjykata e Strasburgut, ndërsa tha se hetimet duhet të rihapen.
Renato Myrtaj: Sa i përket hetimeve të 21 janarit duhen rihapur edhe njëherë dhe për këtë kemi një mundësi të mirë që ja kemi lënë Strasburgut në dorë.
