Ministri serb i Mbrojtjes, Aleksandër Vulin ka deklaruar se ‘Shqipëria e Madhe’ po krijohet para syve të të gjithëve, ndërsa Europa po hesht. “Mund ta imagjinoni se çfarë do të ndodhte nëse dikush në Serbi do përmendte diçka të tillë. Një Shqipëri e Madhe është shumë e rrezikshme për Ballkanin”, është shprehur Vulin, teksa kritikoi faktin që Prishtina ende nuk ka hequr taksën për mallrat serbe.
Sipas Vulin, Putin e dërgoi një mesazh shumë të qartë diplomatik dhe politik, se Rusia e mbështet çdo zgjidhje që Serbia arrin me Kosovën. “Është shumë e vështirë të shpjegohet rruga evropiane për shkak të politikës me standarde të dyfishta të Prishtinës”.
Ai u kërkuar serbëve që të mos bëhen pjesë e Ushtrisë së Kosovës pasi me një veprim të tillë dëshmojnë se janë kundër vëllezërve të tyre. “Kushdo që hyn në këtë formacion duhet ta dijë se ata do të përdoren një ditë kundër vëllezërve të tyre” përfundoi ai.
