Të dëshpëruar për të arritur në Evropë, emigrantët përdorin çdo teknikë për t’ju shpëtuar kontrolleve të policisë.
Por, dy emigrantë afrikanë janë zbuluar këtë herë nga policia spanjolle të fshehur brenda dyshekëve duke u përpjekur të kalonin kufirin spanjoll.
Sipas “Sky News” një video është regjistruar me celular dhe është shpërndarë në rrjetet sociale duke u bërë virale në Spanjë. Ajo tregoi agjentët e Gardës Civile të Spanjës duke marrë dy dyshekë nga maja e një furgoni dhe duke i prerë për të zbuluar dy të rinj brenda.
Mësohet se rojet kufitare spanjolle kanë zbuluar dy emigrantët të cilët ishin fshehur brenda dyshekëve në një pikë kontrolli në kufirin e vendit me Marokun, në Melilla duke u përpjekur të hynin në drejtim të qytetit spanjoll.
Të dy emigrantët u përpoqën të korruptonin rojet e pikës së kalimit kufitar duke u dhënë atyre një sasi parash prej 4.500 euro ($ 5.100) për të tentuar kalimin.
Ndërkohë mësohet se shoferi i kamionit iku në këmbë kur policët kërkuan të kontrollojnë ngarkesën e tij në furgon, ndërsa dy refugjatët u dërguan në një qendër për emigrantët.
