Griselda Gjikola, e cila u vra mbrëmjen e së mërkurës në zonën e Laprakës, ishte gjimnaziste në shkollën “Aleks Buda”, në vitin e dytë.
Jeta e saj, edhe pse e re, nuk ka qenë fort e lehtë.
Kur ishte vetëm 14 vjeç, nëna e la, ndërkohë që i ati u martua sërish dhe e braktisi.
Ajo jetonte me vëllanë e saj binjak dhe motrën më të vogël, për të cilën edhe kujdesej.
Si të mos mjaftonin këto, 17-vjeçarja u dashurua me një djalë që kishte rekorde kriminale, duke përfshirë edhe shantazhin me video intime ndaj ish-të dashurës.
Griselda mendohet se prej disa javësh kishte një lidhje me Erion Bengën dhe u qëllua sapo konsumoi një kafe me të.
