Zbardhen detaje të reja nga vrasja e 17-vjeçares, Griselda Gjikolaj dhe plagosjen e të dashurit të saj Erion Benga, 23-vjeç, pasditen e djeshme në Laprakë . Erion Benga është konfliktuar me autorët një javë më parë, pasi dyshohet se ata kishin ngacmuar të miturën. Ndërsa dje Benga në shoqërinë e dy vajzave, mes tyre edhe viktima, kanë qenë në ambientet e një lokali te blloku “Gintash” kur kanë hasur edhe dy të rinj të tjerë me të cilët ishte në konflikt.
Erion Benga largohet më pas nga lokali i shoqëruar nga dy të dyja vajzat dhe mendohet se autori e ka ndjekur nga pas. Benga dhe Griselda Gjikolaj kanë ecur në drejtim të një rrugice të errët. Sapo kanë hipur në automjetin tip “Benz E Class” dhe kanë nisur të lëvizin, ata kanë parë autorin. 19 vjecari nga Puka ka qëlluar me armë zjarri në drejtim të shoferit Benga. Por plumbi ka shkuar në xhamin e pasëm të automjetit dhe ka kapur në kokë Griselda Gjikolajn, sic duket edhe nga pamjet e sigururuara nga Report Tv . E mitura humbi jetën, ndërsa Erion Benga mbeti i plagosur. Në drejtim të automjetit mësohet se është qëlluar katër herë, ndërsa autorët, dukje përfituar edhe nga errësira, janë larguar me shpejtësi duke humbur gjurmët.
