Deputeti i PD, Ervin Salianji i ftuar në studion e ‘Open’ ka komentuar bilancin e qeverisë dhe opozitarizmin gjatë vitit 2018. Salianji tha se largimi i Ramës nga posti si kryeministër, referuar edhe protestës studentore, do të ishte një zgjidhje e drejtë për vendin, pasi çdo kryeministër tjetër në botë do kishte zgjedhur të largohej.
“Qytetarët s’janë të interesuar kush ikën e kush vjen. Njerëz të pavotuar nga socialistët, pa ndjeshmëri politike për shqetësimet e elektoratit.
Largimi i Ramës do ishte zgjidhja. Askush nuk del të përballet për programin e PS. Për qytetarin asgjë nuk ndryshon. Studentët kanë 8 kërkesa. Ka një mospranim të kryeministrit për dialog. Largimi i tij është zgjidhja. Me studentët i ka ngecur sharra në gozhdë. Më vjen mire që tha Spiropali që protesta e studentëve tregon mjerimin e gjithë Shqipërisë. Vetëm kemi tre vite që e kemi paralajmëruar. Edi Rama u tall deri në fund duke i quajtur ngelësa. Kryeministri vetëm për mosreagim në kohë duhet të ishte larguar.
Në të gjitha vendet e botës kryeministri largohet për shkak të një skandali. Politikani matet në raport me premtimet që bën”, tha Salianji.
