Një aksident ka ndodhur mesditën e sotme në aksin rrugor Levan-Fier. Një automjet tip Fuoristradë ka përplasur një makinë policie, duke lënë pas një punonjës policie të plagosur si dhe një pasagjere.
Ndërkohë, në makinën tjetër, kanë mbetur të plagosur tre persona, duke e çuar në 5 numrin e të plagosurve në total. Të gjithë të plagosurit ndodhen jashtë rrezikut për jetën. Forcat e rendit kanë shkuar në vendngjarje, ku ka nisur hetimet.
Në datën 20.12.2018, rreth orës 14:50, në rrugën Levan-Tepelenë në vendin e quajtur “Kthesa e Kashishtit”, mjeti me targë policie me drejtues shtetasin A.D, 49 vjeç, është përplasur me automjetin tip “Volkswagen” me drejtues shtetasin A.Z, 51 vjeç.
Shtetasit e dëmtuar ndodhen në Spitalin Rajonal Fier nën kujdesin e mjekëve.
Grupi hetimor po punon për zbardhjen e plotë të ngjarjes.
