Ambasadori i Bashkimit Europian në Shqipëri, Luigi Soreca u ka bërë thirrje politikës shqiptare që të ulen dhe të miratojnë Reformën Zgjedhore.
Në një postim në twitter ai e ka quajtur këtë reformë si një nga hapat më të rëndësishëm që do ta çojë Shqipërinë drejt hapjes së negociatave të anëtarësimit në BE.
“U bëjmë thirrje partive politike të tregojnë përgjegjshmëri dhe të përfundojnë TANI në Parlament punën shumë të mirë të bërë nga Komiteti ad-hoc, duke miratuar amendamentet e nevojshme për Kodin Zgjedhor”, shkruan në rrjetin social Twitter ambasadori Soreca.
