Kryeministri Edi Rama zhvilloi një dialog me studentët e Vlorës ku trajtoi problemet e univesritetit.
Gjatë këtij takimi u shënuan disa përplasje të shefit të qeverisë me të rinjtë.
Një prej tyre, ka qenë edhe me studentin që u prezantua si Arbër Dervishaj.
I riu sulmoi kryeministrin duke zhvilluar një sërë replikash.
Por siç duket ai nuk paska qenë edhe aq rastësor në atë takim. Arbri rezulton aktivist i partisë së Koço Kokëdhimës, “Zgjidhja” dhe është shfaqur publikisht nëpër takimet e rëndësishme të ish deputetit socialist.
Madje në një prej fjalimeve të mbajtura ai falenderonte Kokëdhimën për iniciativën mbi partinë e tij.
“Dua t’ju them të gjithëve ju që jeni prezent sot, se gjërat në këtë vend kanë për të shkuar mirë, në veçanti falenderoj z. Koço Kokëdhima që është në krye të kësaj lëvizje për reformimin e Partisë Socialiste dhe gjithë partive të tjera. Dua t’ju falenderoj z. Koço që jeni me ne, jeni me popullin e thjeshtë të këtij vendi. Shqipëria do të jetë mirënjohëse ty dhe të gjithëve ne që punojmë dhe besojmë dhe i duam të mirën këtij vendi”, shprehej i riu që deri në vitin 2017 ka qënë gjimnazist në gjimnazin “Ali Demi” Vlorë dhe tashmë është student
