Studentët e Fakultetit Ekonomik kërkojnë dorëheqjen e Dekanit Dhori Kule. Në ditën e 12-të të protestës për realizimin e tetë kërkesave, studentët e Ekonomikut kishin kërkuar takim me Kulen. Ky i fundit kishte propozuar që studentët të ngrinin një përfaqësi prej 20 vetash dhe do t’i priste ata në takim pasditen e sotme, për t’i dëgjuar lidhur me kërkesat.
Por studentët kanë refuzuar dhe mësohet se në takim, në ambientet e Fakultetit Ekonomik, kanë qenë një numër i konsiderueshëm, siç duket edhe nga këto foto. Nisur nga prezenca masive e studentëve, Dekani Dhori Kule nuk ka shkuar në takim. Ky veprim i tij ka sjellë reagimin e studentëve të cilët i kanë kërkuar dorëheqjen.
