Kryetari i Kuvendit Gramoz Ruçi priti në një takim kreun e Gjykatës Europiane të Drejtësisë, Koen Lenaerts. Gjatë fjalës së tij kryeparlamentari theksoi se maxhoranca është e vendosur për ngritjen e organeve të qeverisjes së drejtësisë.
Teksa u ndal tek reforma në drejtësi dhe vettingu, Ruçi pohoi se ato janë nisma të guximshme dhe unike.
“Reforma në drejtësi është në rrugë të mbarë”, tha kryetari i Kuvendit. Ndërkohë, Lenaerts theksoi se Shqipëria është një vend i rëndësishëm për BE.
“Diversiteti fetar është një aset për BE. BE pasurohet duke pranuar vende me frymë europiane si Shqipëria. Presim hapjen e negociatave në 2019. Me reformën po hidhni bazat e një gjyqësori të pavarur”, pohoi Lenaerts.
