Ministri i Brendshëm Fatmir Xhafaj, i cili ndodhet për një vizitë zyrtare në Bruksel, ka zhvilluar një takim me eurodeputetin Eduard Kukan.
Ky i fundit pas takimit me zyrtarin shqiptar ka bërë një postim në Twitter, ndërsa tregoi detaje nga biseda mes tyre. Ai theksoi se kryefjala e diskutimit me Xhafajn kanë qenë masat në luftën kundër krimit dhe drogës. “Pata diskutim të mirë me ministrin Xhafajn. Diskutuam për masat në luftën kundër krimit dhe drogës. Krenar për progresin e Shqipërisë në zbatimin e reformën në drejtësi”, tha Kukan.
Mësohet se Kukan mori nga Xhafaj një certifikate mirënjohje për kontribut në reformës në drejtësi.
