Ish-kryeministri Sali Berisha është një prej mbështetësve të fortë të protestës studentore dhe këtë nuk e ka fshehur as në postimet në rrjetet sociale apo edhe në daljet televizive. Herë pas here Berisha poston video nga protesta e studentëve përballë Ministrisë së arsimit duke i dhënë atyre kurajo. Mbështetje e Berishës është edhe në funksion të tendencës së opozitës për ta politizuar protestën dhe për të nxjerrë prej saj përfitimet e veta politike.
Mirëpo studentët janë treguar të ashpër duke shpërthyer në akuza të drejpërdrejta ndaj ish-kryeministrit të vendit, ku e kanë cilësuar atë si shkaktarin kryesor të degradimit të sistemit universitar në atë gjendje që është sot.
Por, akuzat dhe revolta e studentëve ka shkuar edhe më tej. Studentët i kanë kujtuar ish-kreut të qeverisë se ata do përfundonin të vrarë nëse protesta do ishte zhvilluar përpara zyrës së tij, duke sjellë në vëmendje 21 janarin e 2011.
“Mos u mburr sali ..se neser do jen ne kurrizin tend kto .. ti ke dhe 1 gjo te keqe se kur dalin me protestuar i vret”-shkruan një nga studentët në profilin e Berishës
Ndërsa shumë të tjerë i bëjnë thirrje të heshti pasi mbështetja e tij është fallso dhe për përfitime të pastra politike. “Në këtë rast o sale nderohet “KALORESI” jo kali ti po vuan për pak pushtet”, i shkruan një tjetër student në profilin e Facebook.
