Një 21-vjeçar, Mateo Aga, rezulton i zhdukur prej datës 28 nëntor në zonën e Maqellarës në Dibër. Familjarët kanë dhënë alarmin në Fax Neës, ndërsa thonë se prej asaj dite nuk dinë asgjë lidhur me fatin e djalit të tyre.
Për herë të fundit Mateo është parë në një lokal në fshat, ndërsa banakieri shprehet se ai ka pasur shenja shqetësimi.
Erald Nurcja thotë se Mateo ka qenë duke luajtur me bashkëfshatarët e tjerë në lokal, ndërsa është parë duke chatuar me telefonin e miqve të tij, pasi vetë ai nuk e kishte një të tillë.
A ka qenë qen Mateo Aga në këtë lokal?
Zotëria ka ardhur këtu më datë 28, rreth orës 21.40. Ai iku bashkë me një bashkëfshatarin e tij, që kishte rrugën me makinë afër shtëpisë. Që aty s’di më.
Më kë po e pinte kafen?
Vetëm ka qenë në tavolinë. I ka marrë dikujt telefonin dhe ka chatuar.
Po me bashkëfshatarin e tij si u takuan?
Po njiheshin ata.
Ishte në lokal dhe ai?
Po ishte dhe ai në lokal.
Po pse nuk u ulën bashkë?
Ishin duke lozur letra.
Kush ishte i pari që tha se do largohej?
Ishte Mateo. Ai tha se do largohej për në shtëpi. Bashkëfshatari i tha: po vijë dhe unë meqë po ikën.
Bashkëfshatari kishte makinë? Po Mateo?
Po bashkëfshatari i tij kishte, Mateo jo. As telefon nuk kishte.
Në lokal atë ditë si shfaqej, ishte i mërzitur?
Diçka e tillë. Ishte i vrenjtur.
Vetëm kafe piu?
Jo nuk ka pirë asgjë.
Sa qëndroi?
Gati një orë. Po rrinin te soba, po ngroheshin.
Të jepte ndonjë shenjë që ishte i mërzitur, i stresuar?
Nuk e di ça të them. Do ketë pasur ndonjë shqetësim.
