Mbremja e 4 tetorit në Bllok duket se do zbardhë të vërteta që prej kohësh kanë qenë “të groposura”. Teksa të gjithë folën për të fejuarin e Elvana Gjatës, zhvillimet e fundit e zbehën disi emrin e tij, të ashtu menduar si “kok krimi”.
Emri i tij u zëvëndësua pikërisht me bashkëshortin e një tjetre femre të ekranit shqiptar atë të Suada Sherifit.
Eldi Dizdari ,edhe pse duket si i “panjohur” është realisht një emër i njohur prej vitesh. Kjo pasi ai ka qenë i kërkuar ndërkombëtar, por kjo çështje u mbyll nga drejtësia shqiptare.
Si u mbyll?
Nëse bëni një kërkim fare të thjeshtë emri i Eldi Dizdarit apo Denis Matoshit, do t’ju rezultojë vetëm në ngjarjen e “sapozbuluar” të ish bllokut.
Kjo pasi ai mban tre emra, dy prej të cilëve janë të njohur (Eldi Dizdari dhe Denis Matoshi), i treti nuk është bërë ende i ditur dhe dyshohet se kjo është një nga arsyet pse kërkimet për të nuk rezultojnë.
Ai mban dy pashaporta kosovare dhe një shqiptare. Prej këtu, dyshimet e forta janë se Eldi Dizdari është një nga “kokat” që prej kohësh është në kërkim ndërkombëtar, por rrethanat e “drejtësisë” se kaluar e kanë mbajtur të qetë në Shqipëri.
Duket se të gjithë dosjet e drejtësisë të mbetura pezull apo të mbyllura në mënyrë të pakuptueshme kanë vetëm një motiv e emër, atë të ish Kryeprokurorit të Përgjithshëm Adriatik Llalla, që siç dihet këto kohë po qendron “pezull” edhe vëtë.
Lidhja e Dizdarit me Adriatik Llallën:
Dizdari nuk e ka për herë të parë kërkimin e këtij lloji, madje të lëshuar vite më parë nga organet holandeze për të njëjtat akuza, por dihet publikisht se u mbyll nga Adriatik Llalla me ndërhyrjen e një biznesmeni, përkundër shifrës marramendëse të 1.000.000 €. (Informacion i Pamfletit)
Kjo duket se i ka hapur rrugën që të kryejë pazaret e tij i qetë derisa erdhi dita që të shpërthente, ose më saktë mbrëmja e 4 tetorit.
Pasi mori “lirinë” (që ende nuk dihet se si), Dizdari është rikthyer në Tiranë, ku jo vetëm ka organizuar një grup të fuqishëm trafiku, por dhe ka blerë prona e biznese vetëm dhe me miq të tij. Të gjitha këto janë interceptuar tashmë si dhe gjithë lidhjet e tij nga Tirana në Spanjë, Belgjikë, Gjermani, Holandë e deri në Irlandën e Veriut.
Kujtojmë se shteti që e ka shpallur në kërkim ndërkombëtar ka qënë Hollanda.
Prejardhja e Dizdarit dhe kushëriri i 613 kg kokainës:
Dizdari është nga Tropoja. Në vitin 1998 babai i tij Naim Dizdari dhe daja i tij u vranë në pritë nga fisi Haklaj. Pak kohë më vonë u vra nga e njëjta dorë dhe xhaxhai i tij Qazim Dizdari. Që prej asaj kohe Dizdari emigroi dhe nuk dihet se si, por krijoi lidhjet më të fuqishme me protagonistët amerikano-jugor të trafikut të kokainës.
Pas ngjarjes së 613 kg. kokainë të sekuestruar në Maminas Arbër Çekaj,i cili ka lidhje familjare me Dizdarin u arrestua në Gjermani.
Që atëherë një pjesë e rëndësishme e këtij grupi u skedua ndërkombëtarisht dhe u fut në rrjetën e përgjimeve të specializuara. Megjithëse informacionet janë të rezervuara një gjë është e saktë: Së shpejti mbi 15 pjesëtarë të kësaj organizate 13 nga të cilët shqiptarë do të jenë në pranga.
/AlpeNews.al
