Një ngjarje tragjike ka ndodhur një ditë më parë ku një çift i moshuar nga Berati janë vetëvrarë duke u hedhur nga kati i gjashtë i pallatit. Siç u mësua më vonë, shkaku kishte qënë pasi ato nuk ishin mësuar me jetën në qytet e këtë fakt e kishin bërë të ditur, duke paralajmëruar në një farë mënyre aktin tragjik.
Raste të tilla nuk janë të pakta dhe ndonjëherë edhe trishtuese. Kujtojmë këtu rastin e të resë nga Kavaja që e kishte paralajmëruar vetëvrasjen nga statuset në Facebook.
Por fatkeqësisht, ishte shumë vonë.
Disa nga rastet:
Çifti i të moshuarëve hidhet nga kati i gjashtë në Berat:
Ngjarje e rende ka ndodhur ku çifti i te moshuarve u hodh nga kati i gjashtë i pallatit dhe gjeti vdekjen e menjëhershme.
Vendi i ngjarjesFëmijët e dy viktimave Kujtim dhe Këze Agalliu, i kishin sistemuar dy prindërit e moshuar në një apartament të ri dhe të ngrohtë për dimrin, duke i hequr ata nga jeta e mundimshme në fshat, por duket se kjo nuk u ka pëlqyer aspak vetë të moshuarve, çka është bërë shkak edhe për këtë ngjarje të rëndë.
Një akt i tillë duket se ishte paralajmëruar nga çifti. Sipas të afërmve, ata u kishin kërkuar fëmijëve t’i kthenin sërish në fshat, pasi nuk po arrinin të përshtateshin me jetën e re në pallat.
Por fëmijët duket se kanë menduar që ata do të përshtateshin me kalimin e kohës, pa e menduar këtë fund tragjik.
Mungesa e fëmijëve, të afërmve, por edhe sëmundja dyshohet se kanë ndikuar në gjendjen e rëndë psikologjike të çiftit, duke bërë që të kryejnë vetëvrasje.
U nda nga i dashuri, si e paralajmëroi nëpërmjet statuseve vetëvrasjen 20 vjeçarja
Klea Shyti, 20-vjeçarja nga qyteti i Fierit i dha fund jetës së saj kur u vetëhodh nga kati i 11-të i një pallati në rrugën e Kavajës, duke lënë pas mjaft dyshime për aktin e ndërmarrë prej saj.
Shkak për këtë akt është bërë ndarja nga i dashuri.
Fotot e saj janë shkëputur nga profili në Facebook, ku ndër të tjera poston edhe poezi të ndjera e shprehje shkrimtarësh të famshëm. Në muajin tetor Klea kishte publikuar këtë poezi në profilin e saj.
“Sa nevojë kemi për një tjetër shpirt ku të kapemi. Një tjetër trup që të na mbajë ngrohtë. Ku të pushosh dhe të kesh besim; ku ta japësh shpirtin tënd me mirëbesim: Kam nevojë për këtë, kam nevojë për dike ku ta derdh trupin” (Sylvia Plath) “Gëzuar ditëlindjen për një prej poeteve të mia të preferuara!! Edhe pse ajo nuk ia arriti kësaj dite…”,- shkruante Klea.
I kishte thënë familjarëve se donte të vriste veten, mbytet në pus 52 vjeçari
Vuante nga sëmundja e depresionit psiqik, nga zemra dhe nga tiroidet, e si të mos i duronte dot të gjitha këto, një ditë më parë ishte shprehur tek familjarët që do të vriste veten.
Bëhet fjala për 52-vjeçari Feridon Beqiraj, lindur në Maliq dhe banues në fshatin Vreshtas të Korçës.
Nga deklarimet e familjarëve del se ai vuante nga sëmundja e depresionit psiqik, nga zemra dhe nga tiroidet e se një ditë më parë ishte shprehur tek familjarët që do të vriste veten.
Hidhet nga kati i 7-të, 19 vjeçari e shkruan në “Facebook”: Lamtumirë
Një 19-vjeçar nga Libohova është hedhur nga kati i shtatë i një pallati duke i dhënë fund jetës së tij.
19-vjeçari e kishte paralajmëruar vetëvrasjen e tij në facebook. Në një status në rrjetin social facebook, i jep lamtumirën e tij njerëzve më të dashur. Ngjarja e rëndë ka ndodhur në lagjen “18 Shtatori” në Gjirokastër. I riu ishte ngjitur në tarracën e ndërtesës 7 katëshe, e cila funksiononte si bar-kafe dhe prej andej është hedhur nga lartësia.
Përgatiti: AlpeNews.al
