Pas ish-kapitenit të Kombëtares, Lorik Cana dhe gazetares Rudina Xhunga, një tjetër personazh i njohur i jetës publike iu bashkua Lëvizjes Kombëtare për Lexim, nismë e ndërmarrë nga Ministria e Kulturës. Moderatorja e njohur e Tv Klan, Rudina Magjistari ka zgjedhur të lexojë autobiografinë e Stefan Zweig.
“Superzgjedhje për të lexuar këtë fundjavë nga Rudina Magjistari. Shumë faleminderit Rudinë që i bashkohesh Lëvizjes Kombëtare për Lexim. Vetëm bashkë te gjithë mund ta fitojmë betejën për kulturën dhe mund ta kthejmë leximin në kënaqësi”,- thotë ministrja Mirela Kumbaro teksa publikon edhe videon me leximin e Rudina Magjistarit.
Lëvizja Kombëtare për Lexim ka në fokus fëmijët nga mosha 0-14 vjeç dhe edukimin e leximit që në fëmijëri. Lëvizja do të shtrihet në të gjithë vendin. Përfaqësues të saj, përfshirë edhe vetë ministren, do të shkojnë nëpër shkolla e biblioteka të qyteteve për të dhuruar libra dhe për të lexuar së bashku. Lëvizja synon edhe përfshirjen e bashkive, me një fond të veçantë për blerjen e librave dhe vënien në funksion të bibliotekave publike apo atyre pranë shkollave. Në javët e ardhshme do të ketë të tjerë personazhe të jetës publike që do t’i përgjigjen thirrjes “Takohemi për një Libër” në kuadër të Lëvizjes Kombëtare për Lexim./revistawho.com
Superzgjedhje për të lexuar📖 këtë fundjavë nga Rudina Magjistari që të #TakohemiPerNjeLiber📕🙏🏻 Shumë faleminderit Rudinë që i bashkohesh Lëvizjes Kombëtare për Lexim, vetëm #bashkë te gjithë mund ta fitojmë betejën për kulturën dhe mund ta kthejmë Leximin në kënaqësi 😊#EjaDheTi të Takohemi për një LIBËR📚
https://www.instagram.com/p/BqyzbCInUXf/