Parlamenti Europian ka miratuar një amendament lidhur me vrasjen e ekstremistit grek të vrarë në Bularat, Konstantinos Kacifa.
Amendamenti i PE-së është nënshkruar edhe nga eurodeputeti dhe raportuesi për Shqipërinë, Knut Fleckenstein.
Në këtë amendament kërkohet që shteti shqiptar të kryejë një hetim të plotë lidhur me rrethanat e vrasjes së Kacifas nga RENEA në 28 tetor në Bularat të Gjirokastrës.
Mediat greke shkruajnë se Parlamenti Europian ka miratuar një amendament lidhur me vrasjen e ekstremistit grek të vrarë në Bularat, Konstantinos Kaçifa.
Artikulli në median greke “Kathimierini”
Amendamenti i PE-së është propozuar nga deputeti grek i PASOK-ut, Nikos Androulakis, dhe është mbështetur edhe nga eurodeputeti dhe raportuesi për Shqipërinë, Knut Fleckenstein.
Sipas këtij amendamenti, PE pret që shteti shqiptar të kryejë një hetim të plotë lidhur me rrethanat e vrasjes së Kacifas nga RENEA në 28 tetor në Bularat të Gjirokastrës.
Më herët gjatë kësaj seance të zhvilluar në Parlamentin Europian ka raportuar edhe eurodeputetja qipriote, Eleni Theocharous. Ajo ka akuzuar kryeministrin shqiptar Edi Rama, si të korruptuar dhe se ka bërë akte kriminale ndaj minoritetit grek në Shqipëri.
Personalisht si një raportuese, dua të sqaroj se në Shqipëri ka një qeveri të korruptuar, njësoj si Erdogan. Që vazhdon të kryejë akte kriminale ndaj minoritetit grek në Shqipëri. grekët jetojnë në frikë, iu janë privuar të drejtat e tyre njerëzore për shkak të dhunës që ushtrohet nga autoritetet shqiptare. Ata nuk përdorin dot as gjuhën greke. Grekët po emigrojnë, prandaj Shqipëria nuk duhet të integrohet derisa të drejtat e grekëve të respektohen.
