A e dinit se cilët nga politikanët tanë e flasin ujë anglishten? Po ata që nuk dinë ose nuk kanë besim të plotë tek vetja për të folur anglisht i dini kush janë?
Ka edhe nga ata politikanë të cilët nuk i kemi dëgjuar asnjëherë të flasin anglisht.
Po e nisim nga kryebashkiaku, Erion Veliaj, ai di anglisht dhe e flet atë mirë (ka studiuar në SHBA, s’ka si të ndodhë ndryshe).
Kryeministri Edi Rama për shkak të jetës në Francë, frëngjishten e ka pasur me afër, por tani edhe në anglisht është i sofistikuar.
Majlinda Bregu, padyshim që di (ka qenë ministre e Integrimit dhe përgjatë viteve mund të themi që zotëron një anglishte elegante dhe të plotë).
Edmond Haxhinasto, ka studiuar për Anglisht, sigurisht që di (ka qenë ministër i Punëve të Jashtme).
Arta Dade, radhitet tek politikanët që dinë anglisht (ka qenë pedagoge anglishteje dhe ka qenë ministre e Punëve të Jashtme).
Presidenti i zgjedhur, Ilir Meta, anglishten duhet ta ketë mësuar në mënyrë autodidakte edhe për shkak të takimeve.
Ministri i Jashtëm, Ditmir Bushati dhe deputeti i PD-së Eduard Selami (ka jetuar në SHBA) janë politikanë që të krijojnë përshtypjen që do donin më shumë të flisnin anglisht sesa shqip. Selami për shkak të jetesës së gjatë në SHBA dhe Bushati duket se e ka shumë përzemër anglishten (ndonjëherë fjalët i vijnë më mirë në anglisht sesa në shqip).
Olta Xhaçka ka anglishte të mirë. Damian Gjiknuri, duhet të ketë anglishte të mirë edhe pse nuk e dëgjojmë shpesh (fundja ka studiuar në Amerikë).
Kë nuk kemi dëgjuar të flasë anglisht?
Nuk e dinë ose nuk kanë besim të plotë tek vetja, janë: Ben Blushi, Niko Peleshi, Astrit Patozi, Jozefina Topalli (mund të dijë por ne nuk e kemi dëgjuar të flasë).
Harruam Sali Berishën. Ai që do të mbahet mend për anglishten e tij, sidomos kur u anëtarësuam në NATO me atë theksin që na bëri të qeshim të gjithë “It is a miracle of freedom”. Vlen të vlerësohet që nuk ka turp hiç.
