Ashtu sikurse ka ushqime afrodiziakë që nxisin epshin, po ashtu ka edhe ushqime nga të cilat dëshira seksuale bie papritur.
Këto janë disa prej tyre:
Soja është e mirë për trupin, por mund të ndikojë negativisht në epsh. Te burrat gjithashtu mund të zvogëlojnë nivelet e testosteronit, si dhe numrin e spermatozoideve.
Kokoshkat nga mikrovala – Megjithëse janë të përkryera për t’u ngrënë duke shikuar filma, kokoshkat nga mikrovala kanë një efekt negativ në jetën seksuale. Studimet kanë treguar gjithashtu te meshkujt zvogëlojnë numrin e spermatozoideve.
Lëngjet dietetike – Një sasi e madhe e ëmbëlsirave artificiale zvogëlon nivelin e serotoninës, një hormon që prek ndjenjat e kënaqësisë, që do të thotë më pak kënaqësi në seks.
Alkooli mund të ndikojë pozitivisht në vetëbesimin, por negativisht në aftësinë seksuale. “Alkooli në fakt redukton nivelet e testosteronit dhe ndikon negativisht në funksionin seksual”, thonë mjekët.
Mielli i bardhë – Ushqimi i përpunuar dhe mielli i bardhë nuk përmbajnë pothuajse asnjë vlerë ushqyese – të gjitha vitaminat dhe mineralet e nevojshme janë larguar prej tyre. Për shembull, në krahasim me drithërat integrale, mielli i bardhë përmban deri në tri të katërtat më pak zink, që është thelbësor për funksionimin normal të organizmit. Konsumi i miellit të bardhë mund të çojë në rezistencë ndaj insulinës dhe diabetit eventual që rrit rrezikun e sëmundjeve të zemrës dhe disfunksionit erektil.
Panxhari – Derisa konsumimi i panxharit para ushtrimeve mund të përmirësojë funksionin e muskujve, kjo perime nuk është ideale për funksionin seksual. Konsumi i panxharit mund të rrisë nivelin e estrogjenit në trup, një hormon që mund të ndikojë negativisht tek ata që tashmë kanë mos balancë të hormoneve në trup, transmeton “KosovaPress”.
Boronicat – Frutat si boronica, dredhëzat, mjedrat përmbajnë sasi të mëdha të pesticideve që imitojnë estrogjenin dhe në këtë mënyrë mund të ndikojnë negativisht në dëshirën seksuale.
Uji në shishe – Ka shumë arsye pse duhet të shmanget ujin në shishe, pasi substancat e gjetura në shishet plastike janë fajtori më i madh për problemet shëndetësore. Substancat e dëmshme kimike bisfenol A, e njohur si BPA, mund të çojë në mosfunksionim seksual, uljen e numrit të spermatozoideve te meshkujt dhe qelizat vezore te femra.
