Një nga shprehjet më të famshme në politikë në këtë periudhë është ajo e kryeministrit Rama se “politika është shah”.
I ftuar në Report tv, Rama ka sqaruar edhe këtë shprehje, ndërkohë që ka shprehur besimin se Presidenti Meta do e kapërcejë këtë moment dhe do e dekretojë.
“Është thjesht eksperienca që më thotë mos thuaj fjalën e fundit të parën, asnjëherë mos bëj lëvizje e fundit të parën. Që do të thotë se është një proces ku ka një ndërveprim dhe unë kam besim. S’kam arsye të mos besoj se presidenti do të arrijë në konkluzionin e duhur. Ajo që ndodhi me veprimin e tij do të kalojë dhe presidenti do të marrë vendimin që i takon për ta dekretuar me ministrin e brendshëm”, tha Rama.
