Avokatët e të pandehurve të dosjes “Shullazi” vijojnë mbrojtjen në Gjykatën e Krimeve të Rënda. Në seancën gjyqësore nuk është paraqitur asnjë nga të pandehurit.
Avokati i Gilmando Danit pretendon në Gjykatë se zëvendësimi i prokuroreve është i jashtëligjshëm
“Prokurorët që u zëvendësuan kishin përgatitur konkluzione absurde” ka deklaruar ai.
Më 2 tetor Prokurorët kanë kërkuar në total 64 vite burg për të gjithë të akuzuarit.
Për Emiljano Shullazin, i cili është cilësuar si kreu i grupit të strukturuar kriminal, prokuroria kërkon 17 vjet burg, 10 vjet për Blerim Shullazin, 15 vjet burg për Gilmando Danin dhe nga 11 vjet burg për Endrit Qyqjen dhe Endrit Zelën.
