Ka nisur sot verifikimi i dëmeve në zonat e përmbytura në qytetin e Fierit. Pesë grupe verifikimi do të shkojnë në çdo familje pë të parë nga afër dëmet e secilit, të cilat shteti ka marrë përsipër ti paguaj.
Në grup janë inxhinierë ndërtimi, përfaqësues nga njësitë administrative, një përfaqësues të emergjencave civile të bashkisë dhe kryeplaku i fshatit.
Për cdo banesa të dëmtuar po mbahet një dokumentacion përkatës, ndërsa urdhri është që deri ditën e premte të përfundojnë kontrollet dhe verifikimet në terren.
Nga përmbytjet në fundjavë në Darzezë, Qarr, Levan, por edhe shumë fshatra të tjerë të Fierit u dëmtuan shumë banesa.
