Një ngjarje e rëndë ka ndodhur ditën e sotme, ku një 59 vjeçare që rezulton prej dy ditësh e humbur mendohet se është hedhur nga ura e lumit Vjosë.
Ndonëse detaje të plota apo arsye nuk dihen ende, rastet ku gratë në mosha të ndryshme kanë tentuar hedhjen nga ura janë të përsëritura ndër vite.
Fatmirësisht, disa prej tyre janë mundur të shpëtohen.
Çfarë ndodhi sot:
Një grua 59-vjeçare nga fshati Ferras është shpallur e zhdukur që prej mbrëmjes së djeshme. Bëhet fjalë për Shaqe Nexhipin, nënë e dy fëmijëve, e cila është e paralizuar.
Sipas familjarëve, dyshohet se gruaja është vetëhedhur nga ura në lumin Vjosë që kalon në fshat. I shoqi i saj ka deklaruar se ditën e djeshme se 59-vjeçarja është larguar nga shtëpia dhe nuk është kthyer më.
Ditën e sotme, banorët e fshatit e kanë kërkuar përgjatë rrjedhës së lumit Vjosa në mënyrë që të gjenin trupin e saj por pa sukses.
*Rastet
Gruaja tenton të hidhet në liqenin e Fierzës, shpëtohet
Një 48 vjeçare është hedhur në liqenin e Fierzës. Ngjarja ka ndodhur në vendin e quajtur “Ura e Drinit të Zi”. Në momentin që shtetësja është hedhur nga ura, është parë nga një qytetar i cili ka bërë të mundur nxjerrjen e shtetases Z.S nga uji.
Z.S., rreth 48 vjeçe, banuese në Xhaf-Zotaj, Durrës, shpëtoi per mrekulli.
Tenton të hidhet nga Ura e Bunës, 41 vjeçarja ndalet në kohë
Një grua, pasi ka hipur mbi parmakët e urës së re të Bunës, ka kërcënuar se do të vrasë veten duke u hedhur prej saj. Fatmirësisht, Policia me Shërbimin Zjarrfikës, kanë arritur t’i shpëtojnë jetën.
Gruaja është identifikuar si Albana Llazani, 41 vjeçe.
Përgatiti: AlpeNews.al
