Një aksident i rëndë ndodhi një ditë më parë në fabrikën e çimentos në Elbasan, ku për pasojë humbi jetën një punëtor dhe u plagos një tjetër. Viktimë e kësaj ngjarje mbeti Musa Sula, 56-vjeç, i cili u mbulua nga një masiv çimentoje gjatë procesit të punës në fabrikë, ndërsa i plagosuri Tomor Mjekerzakut 65 vjeç, është jashtë rrezikut për jetën.
Mësohet se grupi hetimor ka zbardhur edhe shkaqet e kësaj ngjarje të rëndë. Shkelja e rregullave teknike gjatë ushtrimit të detyrës ka rezultuar fatale për 56-vjeçarin. Fabrika bëri dje me faj punonjësin që humbi jetën, por policia dhe inspektoriati po hetojnë kushtet e sigurisë në punë brenda fabrikës së çimentos. Policia shoqëroi administratorët e fabrikës së çimentos dhe pas marrjes së dëshmisë së tyre, i la të lirë.
