Policia e Shtetit është mobilizuar për të shpëtuar kafshët e Kopshtit Zoologjik privat në Fier, fill pas denoncimit të bërë në median britanike “Daily Mail”.
Ministri i Turizimit dhe Mjedisit, Bledi Klosi, ka komunikuar këtë të mërkurë përmes rrjeteve sociale ndërmarrjen e nismës urgjente të aksionit nga Inspektoriati i Mjedisit.
“Në përgjigje të lajmit të publikuar në ‘Daily Mail’ dhe dhjetëra mesazheve për situatën e papranueshme ku jetojnë disa kafshë në një kopsht zoologjik privat në Fier, urdhërova urgjentisht nisjen e një aksioni nga Inspektorati i Mjedisit, i cili në bashkëpunim me Policinë e Fierit dhe Shoqatën për Mbrojtjen e Kafshëve kanë vendosur të zhvendosin kafshët me qëllim marrjen e tyre në mbrojtje nga kjo e fundit”, ka bërë të ditur Klosi.
Një ditë më parë, “Daily Mail” e cilësoi Kopshtin Zoologjik privat të Fierit si “Kopsht zoologjik i Ferrit”.
Postimi i plotë:
