Një anije peshkimi është mbytur sot në Portin e Durrësit.
Peshkarexha “Klodi” është fundosur orët e para të mëngjesit të kësaj të mërkure, teksa ka qenë e ankoruar në kalatën lindore të Portit.
Gjatë natës, raportohet se brenda peshkarexhës ka depërtuar uji i detit, gjë që ka sjellë edhe fundosjen e saj.
Peshkarexha mësohet se nuk ka qenë prej kohësh në përdorim për shkak të amortizimit.
Pronari i anijes tashmë ka nisur punën për nxjerrjen në sipërfaqe të mjetit lundrues.
