Athletic Bilbao dhe Real Madrid janë ndarë baras pa gola në një ndeshje me intensitet të lartë që u dominua nga mysafirët me mbajtje të topit të shtunën në mbrëmje.
Athletic Bilbao dhe Real Madrid u ndan baras pa gola në “San Manes” , në kuadër të xhiros së 14-të të La Ligës spanjolle, raporton Express.
Reali pati më shumë nga loja duke dominua në posedim të topit dhe kontroll të lojës, megjithatë vendasit patën një goditje më shumë në portë se skuadra e Zinedine Zidane.
Në minutën e 87’, Sergio Ramos u ndëshkua me kartonin e dytë të verdhë dhe u përjashtua nga loja, pas një ndërhyrjeje të rrezikshme me bërryl.
Real Madridi tani gjendet në vendin e katërt në tabelën e La Ligës me 28 pikë të mbledhura, po aq sa ka edhe Sevilla në vendin e pestë, dhe tetë më pak se vendi i parë, Barcelona, që ka 36 sosh.
Bilbao ngjitet në vendin e 15-të me 14 pikë.
