Ka ndodhur përçarja më e madhe në historinë moderne ortodokse.
Kisha Ortodokse Ruse ka prerë të gjitha lidhjet me Patriarkanën e Kostandinopojës, pasi kjo e fundit njohu Kishën Ortodokse të Ukrainës si të pavarur.
Organi qeverisës i Kishës Ortodokse Ruse, Sinodi i Shenjtë, ka vendosur të shkëpusë çdo marrëdhënie tjetër me Kostandinopojën.
Lajmi është bërë i ditur nga kreu i Departamentit të Marrëdhënieve me Jashtë të Kishës Ortodokse Ruse, Metropolitan Hilarion.
“Një vendim për ndërprerjen e plotë të marrëdhënieve me Patriarkanën e Kostandinopojës është marrë gjatë një mbledhje të Sinodit,”-tha Hilaron.
Ky vendim vjen disa ditë pasi Sinodi i Patriarkanës së Kostandinopojës vendosi që përfundimisht t’i japë të ashtuquajturën autoqefale Kishës Ortodokse të Ukrainës, duke bërë kështu organizatën klerike, e cila më parë kishte një autonomi të gjerë brenda Patriarkatit të Moskës, plotësisht të pavarur.
“Të gjitha këto vendime janë të paligjshme dhe të pavlefshme,”- tha Hilarion, duke shtuar se: “Kisha Ortodokse Ruse nuk i njeh këto vendime dhe nuk do t’i zbatojë ato”.
Kisha Ruse shpreson në të njëjtën kohë se “një ndjenjë e shëndoshë do të mbizotërojë” dhe Kostandinopoja do ta ndryshojë vendimin e saj. Sidoqoftë, ajo akuzon patriarkun Ekumenik për fillimin e përçarjes.
Ndarja e Kishës Ortodokse konsiderohet si më e madhja në histori, që nga nga “Përçarja e Madhe” e vitit 1054.
