Drejtuesja e komisionit të Parlamentit Europian, Monica Macovei, u ka dhënë një “shuplakë” të fortë politikanëve shqiptarë të cilët ndodhen në një mbledhje në Parlamentin Europian.
Pas bojkotit të mbledhjes nga përfaqësuesit e opozitës shqiptare, të cilët nuk pranonin kryetarin e grupit parlamentar të PS-së Taulant Balla, si bashkëkryetar të delegacionit shqiptar, ka ardhur edhe reagimi nga ana e Macoveit.
Në reagimin e saj, Macovei tha se bojkoti i parlamentit është kundër vlerave europiane, ndësa shtoi: “Ata erdhën në këtë takim me paratë e shqiptarëve për të ngrenë një drekë dhe më pas ikën dhe ne këtu flasim për të ardhmen e shqiptarëve.”
“Kur bëjnë gabime kur bojkotojnë parlamentin, këto janë kundër vlerave europiane. Nëse kërkojmë dialog konstruktiv, ku është ai?! Ata erdhën në këtë takim me paratë e shqiptarëve për të ngrenë një drekë dhe më pas ikën dhe ne këtu flasim për të ardhmen e shqiptarëve. Shqipëria duhet të plotësojë 5 kushtet për të hapur negociatat me Shqipërinë. E kam thënë disa herë në Shqipëri është koha që të gjitha partitë të jenë bashkë, për të mirën e qytetarëve shqiptarëve. Ju të gjithë bashkë duhet të jeni bashkë në Parlament, nëse nuk e bëni këtë nuk i shërbeni shqiptarëve”, tha Macovei në fjalën e saj.
Kujtojmë se braktisja e mbledhjes nga opozita erdhi kur Genc Pollo kërkoi që Taulant Balla të mos jetë bashkëkryetar i këtij delegacioni, duke thënë se ai është pardon i krimës dhe i drogës.
