Hipoteka eshtë institucioni ku qytetarë pajisen me çertifikatat e shtëpisë. Sipas instancave kundër korrupsionit, Hipoteka ose ZRPP konsiderohet si një ndër institucionet më të korruptuar për shkak edhe të rëndësisë që mbart.
Vitet e fundit ka pasur shumë raste të arrestimeve të punonjësve të këtij institucioni ku ndër to janë edhe juristët, të cilët kryejnë proçedurat e nevojshme për marrjen e lejeve të banesave.
Juristët e këtyre institucioneve janë bërë si “sekserët” nëpër univesitete që u marrin lekë studentëve. Alpenews.al ju sjell disa nga rastet e arrestimeve të juristëve të hipotekave të arrestuar për “korrupsion pasiv”, duke marr shkas nga rasti i fundit i ndodhur paraditen e sotme në Fier.
Çfarë ndodhi sot:
14 tetor 2018– Arestohet juristi e ZRPP Fier ai akuzohet për “Korrupsion pasiv i personave që ushtrojnë funksione publike. Ervin Bregasi i merrte ryshfet një qytetari 300 mijë lekë për t’i dhënë atë që i takon. Qytetari Ariz Çervanaku, nga zona e Frakullës në Fier, u ankua se juristi i ZVRPP Fier, Ervis Bregasi, nxjerrë certifikatat e pronësisë së tokave. 
7 shtator 2018– Juristi i Hipotekës së Korçës, në pranga pasi ka mashtruar disa persona nga Librazhdi. Juristi Elvis Gjata u kishte marrë një shumë parash për të ndërhyrë për një çështje gjyqësore penale këtyre personave.
20 shtator 2018– Policia arrestoi juristin e Hipotekës së Shkodrës dhe tre persona të tjerë pasi akuzohen për korrupsion pasiv. Në pranga kanë rënë Mirjan Bletaj, me detyrë jurist pranë ZVRPP Shkodër dhe Sokol Tirana.
14 maj 2017– Juristi i hipotekës në këtë institucion, Marvin Ramovi, i akuzuar për “Shpërdorim detyre” dhe për “Fallsifikim të dokumentave” pronësorë dhe “Pastrim të produkteve të veprës penale”.
/AlpeNews.al
