Deputeti i Partisë Demokratike, Ervin Salianji, ka denoncuar një tjetër rast dhune që sipas tij është fshehur nga qeveria në mënyrë kriminale.
Salianji tregon rastin e një burri, toka e të cilit është lënë si parcelë për kanabis tek një drejtues organizate të Partisë Socialiste.
Në statusin e tij në Facebook, Salianji shkruan se edhe pse është denoncuar në polici, autori jo vetëm që nuk është arrestuar, por janë dhunuar edhe denoncuesit.
Statusi i plotë
Një rast tjetër i dhimbshëm i dhunës ndaj gruas dhe mbrojtjes dhe fshehjes së ngjarjes nga qeveria në mënyrë kriminale.
Shqipëria çdo ditë lëngon nga padrejtësitë e një shteti që dhunon të pamundurit dhe mbron krimin dhe bandat.
Sot në mëngjes një burrë i moshuar dhe 2 djemte e tij denoncuan se si ju dhunohej prona e tyre, se si qeveria i ka lënë pronën e tyre si parcelë për kanabis tek shtetasi M.K drejtues organizate i Rilindjes.
Pasi e kanë denoncuar në polici, rilindasi jo vetëm nuk është arrestuar por janë dekonspiruar denoncuesit duke u dhunur ata dhe në mënyre kriminale edhe nëna e tyre e moshuar. Policia ka ndaluar një nga tre dhunuesit dhe dy të tjeret i ka lëne te lire te kercenojne familjaret e te moshuares.
Policia nuk arreston dhunuesit por kërcenon denoncuesit qe te tërhiqen. Fotot e dhimbshme flasin më shumë se çdo brroçkull kryeministrore.
