Seanca e Krimeve të Rënda ku u dha pretence për grupin “Shullazi” është shoqëruar me debate mes avokatëve dhe prokurorëve. Pala mbrojtëse e Emiljano Shullazit dhe katër bashkëpunëtorëve të tij pretendoi se prokurorët e rij që morën në dorë çështjen, Donika Prela, Besnik Muçi, Gentjan Osmani dhe Anton Martini, nuk e kanë lexuar dosjen prej 10 mijë faqesh. Ata kontestojnë edhe emrin e Donika Prelës e cila mori në dorë dosjen pas refuzimit që i bënë 10 prokurorë të tjerë.
Avokatët lexuan një deklaratë brenda në sallën e gjyqit, ku pretendojnë gjithashtu se gjyqtarëve po u bëhet presion duke rrethuar Gjykatën me forca policore.
Po u bëhet presion gjyqtarëve me rrethimin e policisë. Grupi Shullazi po shpallet fajtor pa u dhënë ende vendimi. Prokurorëve u duheshin 14 ditë për të lexuar 10 mijë faqe nga dosja, ata i kanë lexuar për 3 ditë… Donika Prela u vendos në mënyrë te paligjshme, sot zgjodhi të ikte me pushime jashtë shtetit.
Avokatët mbrojtës të bandës Shullazi
