Kryeministri i vendit Edi Rama e ka nisur mëngjesin e kësaj të hëne me një takim me kryeparlamentarin Ruçi. Kryeministri sapo ka mbërritur në Kryesinë e Kuvendit.
Takimi mes tyre zhvillohet pak orë para mbledhjes së grupit të Partisë Socialiste. Nuk dimë nëse kryeministri do marrë ndonjë vendim për deputetin e Fushë-Krujës Rrahman Rraja, djali i të cilit u arrestua një ditë më parë për dhunën dhe kanosjen e 25-vjeçares Xhisiela Maloku.
Dy ditë më parë nga Korça, kryeministri kërkoi prova për përfshirjen e tij në këtë ngjarje, duke lënë të nënkuptohet se ishte i gatshëm të ndërmerrte çdo masë.
