Detaje të reja bëhen me dije nga arrestimi i djalit të deputetit të PS-së Rexhep Rraja, këtë të diel.
Mësohet se ndalimi i të riut u bë në një aksion të policisë së Krujës në bashkëpunim me forcat e policisë së Durrësit. Rexhep Rraja mësohet se është vënë në pranga në Rinas nga forcat policore në zbatim të një urdhër-arresti të kërkuar nga Prokuroria e Krujës dhe të firmosur nga gjykata e rrethit.
Gjyqtarja që firmosi vendimin për arrestimin e Rexhep Rrajës ishte Enkelejda Hoxha, ndërsa dosja u përgatit nga prokurorja Mirela Kapo.
Gjykata e Krujës ka vendosur masën e sigurisë “arrestit me burg” për djalin e deputetit të PS Rrahman Rraja për akuzat penale dhunim dhe përndjekje, pas denoncimit nga ish e dashura e tij Xhesila Maloku, në muajin korrik.
