Ministrja e Shëndetësisë dhe Mbrojtjes Sociale, Ogerta Manastirliu, ka inspektuar Qendrën Shëndetësore nr 2. në Korçë.
Gjatë fjalës së saj, Manastriliu u shpreh se po investohet si asnjëherë më parë në shërbimin parësor, ku përpos ndërhyrjeve në infrastrukturë do të garantohen shërbime të integruara në çdo qendër shëndetësore.
Drejt përfundimit janë 80 qendra shëndetësore dhe pika autoambulancash nga veriu në jug të vendit, ndërsa në vitin 2019, do të investohet në 100 qendra të tjera. Përpos ndërhyrjeve në instrastrukturë, ne do të garantojmë shërbme të integruara në cdo qendër shëndetësore, të cilat do të ofrohen pa burokraci falë përdorimit të recetës elektronike, tashmë edhe të referimit elektronik për të caktuar orën dhe ditën e vizitës së specializuar.
Ogerta Manastirliu
Vetëm në qarkun e Korçës po punohet intensivisht për rehabilitimin e 6 qendrave shëndetësore, të cilat do të pajisen edhe me aparaturat e nevojshme mjekësore, në kuadër të programit kombëtar të rehabilitimit të 300 qendrave shëndetësore dhe ambulancave në 4 vite.
Rreth 480 mijë qytetarë do të kenë kushte dhe standard bashkëkohore në shërbimin shëndetësor parësor, me rehabilitimin e 80 qendrave të para brenda muajit Dhjetor.
