Drejtori i Policisë së Shtetit, Ardi Veliu dhe drejtori i policisë së Tiranës, Kastriot Skendaj ndodhen në një takim pune në prokurorinë e Tiranës.
Zyrtarisht nuk ka asnjë njoftim mbi këtë takim.
Ndërkohë po në këtë prokurori po merret në pyetje ish gjyqtari i Gjykatës së Lartë, Admir Thanza.
Ai është shkarkuar nga detyra nga Komisioni i Pavarur i Kualifikimit në korrik të këtij viti.
Burime të konfirmuara nga Prokuroria e Tiranës kanë thënë për Ora News se ndaj tij ka nisur një procedim penal për falsifikim formulari pasi ka deklaruar që nuk ka qenë i arrestuar dhe dënuar në Itali për vjedhje.
Në korrik të këtij viti gjyqtari Thanza u shkarkua nga KPK pasi rezultoi se kishte fshehur dënimin në Itali. Drejtësia e këtij shteti e ka dënuar ish-gjyqtarin në vitin 1999 me vendim të formës së prerë në Itali me 40 ditë burg dhe 100 mijë lireta gjobë.
