Rreth 1200 ushtarë nga Britania e Madhe, Kroacia, Kosova dhe Forcat e Armatosura shqiptare do të zbresin sot në sheshin “Nënë Tereza” në kuadër të stërvitjes më të madhe të vitit e quajtur “Albanian Lion 2018”. I pranishëm pritet që të jetë edhe kryeministri Rama.
Por parada ushtarake qe tani ka bllokuar trafikun në të gjithë zonën rreth stadiumit Arena Kombëtare. Si pasojë e ceremonisë është bllokuar qarkullimi i makinave. Ndërkohë që nuk ka pasur asnjë njoftim nga policia për aktivitetin që do të zhvillohet dhe masat.
Pyetja që lind është se përse një aktivitet i tillë nuk zhvillohet në sheshin ‘Skënderbej’, por në atë ‘Nënë Tereza’ duke bllokuar të gjithë zonën duke pasur parasysh edhe faktin që po vijojnë punimet për ndërtimin e stadiumit Arena Kombëtare.
.jpg)
.jpg)
